শিক্ষাৰ সুন্দৰ পৰিৱেশ ঘূৰাই অনাৰ দিশত শিৱসাগৰ জিলা প্ৰশাসনৰ বলিষ্ঠ পদক্ষেপ
অমৃত কুমাৰ শৰ্মা, শিৱসাগৰঃ– শিৱসাগৰ জিলা প্ৰশাসনে জিলাখনৰ বিদ্যালয়সমূহৰ সূচাৰুৰূপে সঞ্চালনাৰ বাবে বিদ্যালয় প্ৰাংগণৰ পৰা জাবৰ-জোঁথৰ আৰু বোকা-পানী পৰিস্কাৰ কৰাৰ এক ব্যাপক কাৰ্য্যসূচী গ্ৰহণ কৰিছে৷ উল্লেখযোগ্য যে,
জিলাখনৰ বিদ্যালয়সমূহত পাঠদান প্ৰক্ৰিয়া পূৰ্বৰ দৰেই সূচাৰুৰূপে চলাই নিয়াৰ উদ্দেশ্যৰে শিৱসাগৰ জিলা প্ৰশাসনে এক ব্যাপক পৰিস্কাৰ-পৰিচ্ছন্নতাৰ অভিযান আৰম্ভ কৰিছে। ইয়াৰ অধীনত বিদ্যালয় প্ৰাংগণত জমা হৈ থকা বোকা-পানী, জাবৰ-জোঁথৰ আৰু আৱৰ্জনাসমূহ ক্ষিপ্ৰতাৰে আঁতৰোৱাৰ ব্যৱস্থা কৰা হৈছে। আনহাতে দেশৰ ভৱিষ্যত ছাত্ৰ-ছাত্ৰীসকলৰ বাবে শিৱসাগৰ জিলা প্ৰশাসনে এখন সুৰক্ষিত, পৰিস্কাৰ আৰু স্বাস্থ্যসন্মত বিদ্যালয় সুনিশ্চিত কৰাৰ ক্ষেত্ৰত এনে পদক্ষেপ গ্ৰহণ কৰাত সাধাৰণ জাতি সুৰক্ষা সন্মিলন-অসমৰ শিৱসাগৰ জিলা সমিতি আৰু শিৱসাগৰ জিলা ইণ্ডিয়ান জাৰ্নেলিষ্ট ফেডাৰশ্যন এ আদৰণি জনাইছে৷
